2025 жылдың 11 ақпанында Абай атындағы ҚазҰПУ Сорбонна-Казақстан институтында қызметкерлерге арналған «Сыбайлас жемқорлықпен бірге күресейік!» атты сыбайлас жемқорлыққа қарсы ақпараттық дәріс өтті.

Абай университеті комплаенс-қызметінің басшысы Құрманғазы Мәдиев қатысушыларды сыбайлас жемқорлыққа қарсы саясаттың негізгі аспектілерімен таныстырып, сыбайлас жемқорлық құқық бұзушылықтары үшін жауапкершілік шаралары туралы баяндап, бейнебақылау камераларынан алынған нақты мысалдарды көрсетті. Дәріс барысында білім беру саласында сыбайлас жемқорлықтың алдын алу механизмдері қарастырылып, қызметкерлерге адалдық пен ашықтық қағидаларын сақтау бойынша практикалық ұсыныстар берілді.